Reseılik merdigerlerden tehnıkalyq táýekel men elektr energııasynyń baǵasy boıynsha kepildik almaı Aqtaýdaǵy AES-tiń qurylysyn bastaýǵa bolmaıdy

dep habarlaıdy QazAqparat.

Bul joba boıynsha suraq týyndap otyrǵanyna toqtalǵan ol, «eger AES-tegi elektr energııasyna baǵa gazben isteıtin stansydan joǵary bolsa, ony salý qajet pe? Sebebi Mańǵystaý - ol gaz óndirýshi aımaq», dedi mınıstr.

S. Myńbaev usynylyp otyrǵan AES-tegi elektr energııanyń jobalyq baǵasy bir kVt/saǵatqa 8 tsentti quraıtynyn aıtyp ótti.

Onyń aıtýynsha, bolashaqta gaz baǵasy qazirgi kezdegideı 30-50 dollar bolmaıdy. «2018 jylǵa qaraı AES-tiń qurylysy aıaqtalǵan kezde gaz elektr energııasyna baǵa 10 tsentten asyp túsedi. ıAǵnı baǵa boıynsha AES ótip otyr», dedi ol.

Qazirgi kezde reseılik merdiger AES-tiń qurylysy bastalǵansha elektr energııa baǵasy boıynsha kepildik bere ala ma degen saýal týyndap otyrǵanyn jetkizgen mınıstr, «2 mıllıardtan astam qarjy salyp, sońynda elektr energııany básekege qabiletti emes joǵary baǵamen alýymyz múmkin. Sol kezde keıinge sheginýge múldem kesh bolady, sebebi onda biz qomaqty qarjyny jumsap qoıamyz», dedi.

Onyń aıtýynsha, qolda bar kelisimniń jobasy boıynsha merdiger osyndaı mindetterdi alyp otyrǵan joq. Al onysyz aýqymdy qarjylandyrý sharalaryn júrgizýge bolmaıdy. «Atap aıtqanda, osy turǵyda biz ózge salalardaǵy basqa ınnovatsııalyq jobalarda keri mysaldardy keltirýge bolady. Máselen KazSat boıynsha», dedi S. Myńbaev.

Mınıstr AES qurylysynda tehnıkalyq táýekelder boıynsha qatań kepildikterdiń bolmaýy ekinshi negizgi másele retinde týyndap otyrǵanyn aıtyp ótti. «Bul jańa joba. Ol boıynsha jaýapkershilik tek qazaqstandyq tarapqa ǵana júktelmeýi tıis. Bul jetkizýshiniń jaýapkershiligi. Jobalyq kelisimde bul da ázirge belgilenbegen», dedi S. Myńbaev. - Eger kelissózder barasynda bul máseleler sheshilse, onda jobany jyljytýǵa bolady.