Reseılik matematık Grıgorıı Perelmanǵa Myńjyldyq syılyǵy taǵaıyndaldy
ASTANA. Naýryzdyń 19-y. QazAqparat - Reseılik matematık Grıgorıı Perelmanǵa Myńjyldyq syılyǵy taǵaıyndaldy, dep habarlaıdy «Maıak» radıosy.
Bul týraly AQSh-tyń Kembrıdj qalasyndaǵy Kleı atyndaǵy Matematıkalyq ınstıtýttan habarlaǵan. Bul nagrada reseılik ǵalymǵa Pýankare gıpotezasyn dáleldegeni úshin taǵaıyndalyp otyr, delingen ınstıtýttyń resmı saıtynda.
Kleı atyndaǵy ınstıtýttyń sheshimine túsinik bergen onyń jetekshisi Djeıms Karlson, «Pýankare gıpotezasyn dáleldegen Perelman myrza, bir ǵasyr boıy sheshimi tabylmaı kelgen suraqqa jaýap bergenin» aıtyp otyr.
1904 jyly frantsýz matematıgi Anrı Pýankare túıindegen bul gıpoteza Kleı atyndaǵy ınstıtýt sheshimi úshin 1 mıllıon dollar kóleminde aqshalaı syılyq ýáde etken jeti «myńjyldyq eseptiń» qataryna kiredi. Reseılik ǵalymǵa 2006 jyly joǵary matematıkalyq nagrada - Fılds syılyǵy taǵaıyndalǵan bolatyn, biraq Perelman ony alýdan bas tartqan edi.
Ǵalymnyń Kleı atyndaǵy ınstıtýttyń Myńjyldyq syılyǵyn alýdan bas tartqan-tartpaǵany týraly ázirge aqparat joq.
