Reseılik mánerlep syrǵanaýshy Dımash Qudaıbergenniń ánimen erekshe óner kórsetti

ÓSKEMEN. QazAqparat – Reseılik mánerlep syrǵanaýshy, 2018 jylǵy Olımpıada oıyndarynyń eki dúrkin kúmis júldegeri, eki dúrkin álem chempıony Evgenııa Medvedeva qazaqstandyq ánshi Dımash Qudaıbergenniń oryndaýyndaǵy «Your love» ánimen erekshe óner kórsetti, dep habarlaıdy QazAqparat tilshisi Dimashnews.com saıtyna silteme jasap.

3 sáýirde Sankt-Peterbýrgtegi «ıÝbıleınyı» sport saraıynda Ilıa Averbýhtyń «Muz dáýiri. Chempıondar» atty muz shoýy ótti. Onda reseılik mánerlep syrǵanaýshy, 2018 jylǵy Olımpıada oıyndarynyń eki dúrkin kúmis júldegeri Evgenııa Medvedeva álemge tanymal qazaqstandyq ánshi Dımash Qudaıbergenniń kompozıtsııasymen óner kórsetti.

Evgenııanyń nómiri erekshe ádemi boldy. Onyń názik qımyldary mýzykamen sheber úndesken. Aq muzǵa alqyzyl kóılekpen shyqqan mánerlep syrǵanaýshy Dımash ánindegi jaraly júrekke uqsady.

Aıta keteıik, Dımash alǵash ret kompozıtor Igor Krýtoıdyń Lara Fabıannyń óleńderine jazǵan týyndysyn 2020 jyly 8 naýryzda Máskeýde dızaıner Valentın ıÝdashkınniń mereıtoılyq keshinde oryndaǵan bolatyn.