Reseılik qyz-kelinshekter 8 naýryzdaǵy eń qajetsiz syılyqtardyń tizimin shyǵardy
ASTANA. 8 naýryz. QazAqparat - Reseı áıelderi óz pikirlerinshe, 8 naýryzdaǵy eń kereksiz syılyqtardy atady, dep habarlaıdy osy taqyryp aıasynda áleýmettik zertteýler júrgizgen SuperJob saıty.
Saýalnamaǵa ár óńirdiń 18 jastan asqan 1600 turǵyny qatysypty. Olarǵa syılyqtar tiziminen birneshe nusqany tańdaýǵa tapsyrma berilgen eken.
Syılyqtardyń antıreıtıngisin 58 paıyz daýyspen arzanqol jyltyraq buıymdar bastady. Ekinshi orynda 42 paıyz daýyspen seks-shoptyń taýarlary tur. Al saýalnamaǵa qatysýshylardyń 41 paıyzy qolaısyz syılyqtar tiziminiń úshinshi satysyna parashıýtpen sekirýge arnalǵan sertıfıkatty qoıǵan.
Odan keıingi tizimdi 38 paıyz daýyspen ártúrli kádesyılar men statýetkalar jalǵastyrsa, kelesi orynda turmystyq tehnıka men as úı jıhazdary (18 paıyz), ish kıim (13 paıyz), fıtnes-klýbqa abonement (12 paıyz) dep kete beredi.
Degenmen, zertteýshiler keıbir áıelderdiń osy tizimdegi syılyqtardyń kez kelgen bireýin alsa da, máz bolyp qalatynyn jasyrmaı aıtqandyǵyn málim etip otyr.
