Reseılik kólik: Aqtóbedegi sall-ortalyqqa 300-den astam qońyraý tústi

AQTÓBE. QazAqparat - Aqtóbede Reseıden ákelingen kólikke qoıylatyn talaptardy túsindiretin sall-ortalyq jumys istep tur. Munda mamandar 300-den astam qońyraý qabyldady, dep habarlaıdy QazAqparat tilshisi.

Aqtóbe oblystyq polıtsııa departamentiniń Sall-ortalyǵy jumysyn 10-qarasha kúni bastady. Alǵashqy kúni sheteldik kólikterdi paıdalaný máseleleri boıynsha 180 qońyraý kelip tústi.

Azamattar call-ortalyǵyna habarlasyp, Reseı Federatsııasynan ákelingen avtomobılderdi paıdalaný jáne tirkeý boıynsha suraqtaryn qoıyp, keńes ala alady.

«Siz 8 (7132)936 132 jáne 936-170 telefonyna qońyraý shalyp, Reseı Federatsııasynan ákelingen kólik quraldaryn paıdalaný jáne tirkeý týraly suraǵyńyzǵa jaýap ala alasyz. Sondaı-aq Іshki ister mınıstrliginiń bazasynan kóligińizdiń Reseı Federatsııasynda esepte turǵan-turmaǵanyn bile alasyz. Azamattarǵa yńǵaıly jáne aqparatty jedel usyný úshin Sall-ortalyqtardyń telefondary 10-qarasha kúni saǵat 9:00 – den 23:00-ge deıin jumys isteıdi», - dep habarlady Aqtóbe oblysy PD ÁPB bastyǵy Vıacheslav Bıkmýhanov.

Júrgizýshiler negizinen Reseı Federatsııasyndaǵy avtokólikti esepten qalaı shyǵarýǵa jáne Qazaqstanda qujattardy qalaı resimdeýge bolatyny týraly surady.

Sondaı-aq Qazaqstan Respýblıkasynda tirkeýden shyǵarylǵan avtokólik týraly keńes aldy.

Polıtsııa kórshiles elderdiń avtokólikteriniń arasynda sot úkimimen shektelgen nemese esepten shyǵarylǵan kólikter kóp ekenin eskertedi.

Mundaı avtokólikterdi tirkeýden keıin ǵana paıdalanýǵa bolady.

Sonymen qatar, tártip saqshylarynyń aıtýynsha, kórshiles elderden sheteldik kólikter urlanýy múmkin.