Reseılik hedhanter Astana turǵyndaryna jumysqa turý joldaryn úıretpek
ASTANA. QazAqparat - 30 maýsym kúni máskeýlik rekrýter jáne hedhanter Ilgız Valınýrov Astana qalasynyń jumyspen qamtý ortalyǵynyń qyzmetkerlerine «Rekrýtıng 100 paıyzǵa» atty tegin trenıng ótkizedi, dep habarlaıdy elordanyń medıa ortalyǵy .
Sondaı-aq, Ilgız Valınýrov bos jumys oryndaryn izdep júrgender arasynda «Men minsiz úmitkermin: armanyńdaǵy jumysty qalaı tabýǵa bolady?» atty sheberlik synybyn ótkizbek. Onda qatysýshylar jumysty izdeý joldary, jumys berýshige unaıtyndaı sapaly túıindemeni jasaý amaldary, qajetti eńbekaqy kólemimen kelisý tetikteri syndy san-salaly suraqtarǵa jaýap taba alady.
1 shilde kúni «RostTrenıng» kompanııasy Valınýrovtyń qala kásipkerleri men kadrlyq qyzmetkerler jáne HR-mamandaryna arnap «Bıýdjetsiz rekrýtıng» trenıngin uıymdastyrady.
