Reseılik ǵalymdar balanyń sýǵa batyp bara jatqany týraly belgi beretin bilezik oılap tapty
ASTANA. QazAqparat - Reseılik ǵalymdar ata-analarǵa balalarynyń sýǵa batyp bara jatqany týraly belgi beretin bilezik oılap tapty, dep habarlaıdy TASS.
«Bul qural qaýipti tez «sezedi» - qoldaryn úreıli sermeý, jıilep ketken júrek qaǵysy ata-analarǵa balalarynyń qaýipti jaǵdaıǵa túskeni týraly habarlaıdy. Bilezik bala sýdyń betinde tunshyǵa bastaǵan sátte-aq iske qosylýy tıis», - deıdi joba qolǵa alynyp jatqan Tom ýnıversıtetiniń qyzmetkerleri.
Elektrondyq qurylǵyny ylǵaldan germetıkalyq qabyǵy qorǵaıdy. Budan basqa, qurylǵyǵa bala sý astyna ketken jaǵdaıda sýdyń betinde kórinetin arnaıy jalaýsha bekitilgen - bul sýǵa batqan balanyń qutqarylý múmkindigin kóbeıtedi. Bilezik 120 metrge deıingi qashyqtyqta radıobelgi bere alady.
Qurylǵylar juptap shyǵarylmaq: balalar bilezigi qaýip tóngeni týraly aqparat taratsa, ata-analarǵa arnalǵan bilezik ony qabyldap, belgini qabyldaıdy.
