Reseılik ǵalym Túrkistandaǵy mýzeıge VIII ǵasyrǵa tán túrgesh tıyndaryn tabystady
Mamandardyń aıtýynsha, atalǵan ejelgi aqsha túrleri Túrkistan óńiriniń tarıhymen tyǵyz baılanysty.
«Áziret Sultan» qoryq-mýzeıiniń qory nýmızmatıkalyq kollektsııalarǵa baı. Túrkistanǵa kelgen saparymda tanysyp, kórdim jáne resmı saıttan da qarap shyqtym. Bul jádigerler meniń qorymda emes arnaıy tarıhı orynda turý kerek dep sheshtim. Tarıhshy tarıhı muralardy jınaqtaýǵa umtylady. Nýmızmatıka salasyn zertteý eńbek jolymnyń negizgi bóligi bolǵandyqtan bul zattardy jyldar boıy jınaqtadym»,-deıdi Pavel Nıkolaevıch
«Áziret Sultan» memlekettik tarıhı-mádenı qoryq-mýzeıiniń qor saqtaýshy qyzmetkeri, nýmızmatıka salasynyń mamany Tolqyn Joldasov mýzeı qoryna tabystalǵan jádigerlerdiń ózindik qundylyqtary zor ekenin aıtady.
«Jádigerler qatarynda VIII ǵasyrdyń túrgesh tıyndary men X ǵasyrlarda soǵylǵan samanıd felsteri jáne XI ǵasyrǵa tán dırhemder bar. Sonymen qatar, keıingi tarıhı kezeńderde soǵylǵan aqshalar da kezdesedi. Atalǵan oljalar «Áziret Sultan» qoryq-mýzeıiniń qoryn tolyqtyryp, nýmızatıka kesheniniń eń qundy jádigerler qataryn kórkeıtedi dep oılaımyz»,-dedi Tolqyn Joldasov.
