Reseılik fýtbolshylardyń tálimgeri Hıddınk jylyna «taza» 7 mıllıon eýro alady
ASTANA. Jeltoqsannyń 22-si. QazAqparat - Reseıdiń fýtbol quramasynyń bas jattyqtyrýshysy Gýs Hıddınk jylyna 7 mıllıon eýro kóleminde gonorar alady, bul soma úshin salyqty da reseılik tarap tóleıdi,
dep habarlady Reseıdiń fýtbol odaǵynyń bas dırektory Alekseı Sorokın «Sovetskıı sport» gazetine bergen suhbatynda.
«Ońtústik Afrıka Respýblıkasynda ótetin álem chempıonatynyń irikteý kezeńine qatysty kelisimshartty aıtatyn bolsaq, Hıddınk jylyna 7 mıllıon eýro («taza») aqy alady», dep jazady basylym Sorokınniń sózine silteme jasap.
Gollandyq mamannyń jalaqysyn, Sorokınniń aıtýynsha, Reseıdiń fýtbol odaǵy emes, «qormen qaıyrymdylyq týraly shart jasasqan «Ulttyq fýtbol akademııasy» qory tóleıdi.
Sorokın, sondaı-aq Hıddınkpen kelisimshart «2010 jyldyń jazyna deıin jasalǵanyn jáne onyń kezeńi álem chempıonatynyń merzimin de qamtıtynyn» habarlady. Odaq basshysy sondaı-aq, shartta nátıje úshin de jaýapkershilik qarastyrylǵanyn aıta kelip, eger reseılikter álem chempıonatyna bara almasa, Hıddınktiń «bonýs almaıtynyn» jetkizdi.
Reseı quramasy irikteý týrnırinde Germanııadan jeńilip, túıisý oıyndarynda álem chempıonatynyń joldamasyn Slovenııaǵa (2:1,0:1) qoldan berip aldy.
