Reseılik fotograf Batys Qazaqstanda tabıǵattyń tańǵajaıyp qubylysyn túsirip aldy
ORAL. QazAqparat – Reseılik fotograf Andreı Tıýshın Batys Qazaqstan oblysynda tabıǵattyń tańǵajaıyp qubylysyna kýá bolǵan, dep habarlaıdy QazAqparat tilshisi.
Andreı Tıýshın Instagram paraqshasynda málim etkendeı, oqıǵa 23 sáýirden 24-ine qaraǵan túni bolǵan.
«Polıar shuǵylasy týraly aıtqanda, biz birden Islandııa, Fınlıandııa, Reseıdiń qıyr soltústigi týraly oılaımyz. Qazaqstandy eske almaımyz. Biraq 23 sáýirden 24-ine qaraǵan túni jerde qýaty orasan magnıttik daýyl turyp, polıar shuǵylasyn Qazaqstanǵa deıin jetkizdi! Maǵan búgin túnde Oraldyń (BQO) ońtústigine qaraı 30 shaqyrym qashyqta Qazaqstan dalasyndaǵy biregeı kórinis – Avrora bıin tamashalaý baqyty buıyrdy», - dep jazdy Andreı Tıýshın paraqshasynda.
Reseılik fotograf demalys alyp, Batys Qazaqstan oblysyna kelgen.
