Reseılik elshige qastandyq jasalǵan sáttiń vıdeosy jarııalandy
ASTANA. QazAqparat - Túrkııada reseılik elshi Andreı Karlovqa qastandyq jasalǵan sáttiń vıdeosy jarııalandy, dep habarlaıdy ria.ru.
Rolıkte Karlovty baıandama jasap turǵan kezinde atqan.
Arnaıy operatsııanyń nátıjesinde óltirilgen qanisherdiń Mevlıýt Mert Altyntash ekendigi atalyp otyr. Ol polıtsııada 2,5 jyl jumys istegen. Reseı kóshbasshysynyń baspasóz hatshysy Dmıtrıı Peskovtyń aıtýynsha, Pýtın men Túrkııa prezıdenti Redjep Taııp Erdoǵan telefon arqyly sóılesip, qaıǵyly oqıǵany talqylaǵan.
Olar Túrkııaǵa elshiniń ólimin tekserý úshin Reseıdiń tergeýshiler tobyn jiberýge kelisken.
Eske sala ketsek, Reseı elshisi 19 jeltoqsan kúni Ankarada «Reseı Kalınıngradtan Kamchatkaǵa deıin» atty kórmeniń ashylýynda sóz sóıleý barysynda atyp óltirildi. Andreı Karlov Túrkııadaǵy elshilik qyzmetine 2013 jyldyń 12 maýsymynda kirisken edi.
