Reseılik elorda áýejaıynan eline deportatsııalandy
NUR-SULTAN. QazAqparat - Búgin túnde Elorda áýejaıyna PTR anyqtamasyz ushyp kelgen reseılik azamat eline deportatsııalandy, dep habarlaıdy QazAqparat tilshisi.
COVID-19-dy taratpaý jónindegi vedomstvoaralyq komıssııanyń paraqshasyndaǵy aqparatqa sáıkes, 21 qazan kúni túnde elimizge 11 reıspen 871 jolaýshy ushyp kelgen. Olardy 679-ynda PTR anyqtama bolsa, 192-i jolaýshyda anyqtama bolmaı shyqty.
Bul rette Nur-Sultan qalasyna 6 reıspen kelgen 513 jolaýshynyń 355-inde anyqtama bolsa, 158-inde anyqtama bolmady. Almatyǵa 4 reıspen 276 jolaýshy keldi. Onyń 242-si anyqtamamen, 34-i anyqtamasyz jetken. Al Aqtaýǵa 1 reıspen jetken 82 jolaýshynyń barlyǵynyń anyqtamasy bar.
Anyqtamasyz ushyp kelgen Qazaqstan azamattary PTR saraptama tapsyrý úshin Nur-Sultan jáne Almaty qalalarynda karantındik statsıonarǵa jatqyzyldy.
