Reseılik eki azamat Qazaqstannan 1,7 mln. teńgeniń araǵyn zańsyz áketpek boldy
ASTANA. QazAqparat - Reseılik eki azamat Qazaqstannan 1,7 mln. teńgeniń araǵyn zańsyz áketpek boldy, dep habarlady QR UQK Shekara qyzmetiniń baspasóz qyzmeti.
Birinshi jaǵdaıda Reseı Federatsııasynyń 23 jasar azamaty «GAZel» avtomobılimen Qazaqstannan Reseıge jalpy salmaǵy 780 lıtr araqty alyp bara jatty.
Júk 130 jáshikke bólinip salynǵan, baǵalaý quny 500 000 teńge.
Ekinshi jaǵdaıda Reseıdiń 35 jastaǵy azamaty osyndaı kontrabandalyq júkpen Qazaqstannan «Mersedes» avtomobılimen jolǵa shyqqan.
Ol baǵalaý quny 1 mln. 230 myń teńgeden astam 1230 lıtr araqty alyp bara jatqan.
Ustalý faktisi boıynsha Mártók aýdanynyń quqyq qorǵaý organdary habarlandy. Tekserý júrgizilýde.
