Reseılik dızaınerler Roza Rymbaevaǵa ózinen aınymaıtyn qýyrshaqty syıǵa tartty
ASTANA. 14 mamyr. QazAqparat - Qazaqstannyń halyq ártisi Roza Rymbaeva ataqty reseılik dızaınerlerden kútpegen syılyq aldy.
Bul týraly «Ekspress K» gazeti jazyp otyr.
Roza Qýanyshqyzynyń kúmis kómeı daýysyna, ajary men symbatyna tánti bolǵan Vasılıı Barbe men Sergeı Amelkov oǵan ózinen aınymaıtyn qýyrshaqty syıǵa tartty.
Buǵan deıin prodıýser ári ánshi Qydyráli Bolmanov R. Rymbaevaǵa ánshiniń dál kóshirmesi bolatyn qýyrshaqty jasaý týraly usynys jasaǵan. Biraq R.Qýanyshqyzy óziniń tyńdarmandary bul isti qarapaıymdylyqtyń belgisi retinde qabyldamaıdy dep eseptep, usynystan bas tartty.
Al reseılik dızaınerler Vasılıı Barbe men Sergeı Amelkov ánshiniń kelisimin tospaı-aq, ol úshin biregeı avtorlyq qýyrshaqty jasap shyǵardy. Qýyrshaqtyń kóılegi, shash úlgisi ári boıaýy ánshige tolyǵymen sáıkes keledi.
