Reseılik dinbasy mingen ushaq aýa raıyna baılanysty Almaty áýejaıyna qona almady
6-sy. QazAqparat /Erbol Azanbek/- Máskeý jáne Búkil Rýs Patrıarhy Kırıll mingen ushaq búgin tústen keıin Almaty áýejaıyna aýa raıynyń qolaısyzdyǵyna baılanysty qona almady,
dep habarlaıdy QazAqparat.
Qonýǵa qolaıly sátti kútken ushaq Almaty aspanyn 2 saǵattan astam boıy sharlap, aqyry Astanaǵa bet túzedi. Buǵan deıin habarlaǵandaı, Máskeý jáne Búkil Rýs Patrıarhy Kırıll mingen ushaq Almaty áýejaıyna tústen keıin kelip qonýy tıis bolatyn. Sondaı-aq búgin Qasıetti Nıkolskıı soborynda, erteń Qasıetti Voznesensk kafedraldy soborynda bolyp, saltanatty dinı sharalarǵa qatysady dep kútilgen edi. Sonymen qatar, Patrıarh Abaı atyndaǵy opera jáne balet teatrynda pravoslav qaýymynyń ókilderimen kezdesýi josparlanǵan bolatyn. Jergilikti eparhııa ókilderiniń aıtýynsha, Almatyda tuman ashylsa, Patrıarh búgin túnde Almatyǵa oralyp, erteńge josparlanǵan is-sharalarǵa qatysady.
