Reseılik debıýtant tanymal qazaqstandyq boksshyny nokaýtqa jiberdi
ASTANA. QazAqparat - Qazaqstandyq boksshy Rýstam Svaev (1-1, 0 KO) kásibı rıngte alǵash ret jeńilis tapty, dep habarlaıdy QazAqparat Sports.kz saıtyna silteme jasap.
Rýstan Svaev Reseıdiń Ekaterınbýrg qalasynda ótken boks keshi aıasynda jergilikti debıýtant Ravshan Ergashevke (1-0, 1 KO) ese jiberdi. Orta salmaq dárejesinde ótken jekpe-jek tórt raýndqa jalǵasty. Reseılik boksshy ony tórtinshi raýndta nokaýtqa jiberdi.
Svaev Qazaqstan chempıonattarynyń birneshe dúrkin jeńimpazy. 2009 jyly Mılanda ótken Álem chempıonatynda 64 kelige deıingi salmaqta besinshi oryn aldy. 2011 jyly Ońtústik Koreıanyń Inchhon qalasynda ótken Azııa chemptonatynda «kúmis» enshiledi (69 kelige deıin). 2015 jyly Serbııanyń Belgrad qalasynda AІVA-nyń «A» sanatyndaǵy halyqaralyq týrnıriniń úzdik boksshysy atandy (75 kelige deıin). Osy jyly ol elordalyq «Astana Arlans» klýbynyń sapynda óner kórsete bastady.
