Reseılik dárigerler Qazaqstandaǵy klınıkalarda jumysqa ornalasa alady - mınıstr

ASTANA. QazAqparat - Reseıden Qazaqstanǵa kelgen dárigerler elimizdegi klınıkalarda jumysqa ornalasa alady. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Qazaqstanda eńbek mıgranty retinde jumys isteýge qyzyǵýshylyq tanytqan reseılik dárigerler EAEO zańnamasy aıasynda bizdegi aýrýhanalarǵa jumysqa onnalasa alady. Osy oraıda olar tıisti talaptar men erejelerdi tolyq saqtaý kerek», - dedi A. Ǵınııat Parlament Májilisindegi Úkimet saǵatynan keıingi baspasóz máslıhatynda.

Onyń aıtýynsha, birinshi kezekte olardyń dıplomdary bizde moıyndalýy tıis. Ekinshiden, reseılik dárigerler sertıfıkattaýdan ótýge mindetti bolady.

Budan buryn habarlanǵandaı, aýyldaǵy kadrlyq qamtamasyz etýge taldaý jirgizilip, 1 700-den astam medıtsına qyzmetkeriniń, onyń ishinde 1000-nan astam dárigerdiń tapshylyǵy anyqtaldy.