Reseılik boksshy Shúmenovten álem chempıony ataǵyn alý úshin kúrespek
ASTANA. QazAqparat - Reseılik boksshy Maksım Vlasov kelesi jekpe-jegin tanymal amerıkalyq Antonıo Tarverge qarsy ótkizýi múmkin.
Bul týraly Vlasovtyń menedjeri Shamır Petrosıan málim etti, dep habarlaıdy QazAqparat sports.kz-ǵa silteme jasap.
Senbi kúni Máskeýde Vlasov Olımpıada chempıony Rahım Chahkıevti tehnıkalyq nokaýtpen jeńdi, kezdesý jetinshi raýndta aıaqtaldy. Osylaısha, Vlasov Dúnıejúzilik boks qaýymdastyǵynyń (WBA) birinshi aýyr salmaq dárejesindegi álem chempıonynyń ataǵy úshin resmı úmitker boldy. Qazir ol ataqty qazaqstandyq Beıbit Shúmenov alyp júr.
«Qazir bizdiń negizgi maqsatymyz - álem chempıony ataǵy úshin Beıbit Shúmenovpen jekpe-jek boıynsha kelissózderdi bastaý. Aralyq jekpe-jek retinde Antonıo Tarvermen kezdesýimiz ótýi múmkin», - dedi Petrosıan. Tarver Olımpıada oıyndarynyń «kúmis» júldegeri. Sondaı-aq ol ortasha aýyr jáne birinshi aýyr salmaqta kásipqoı boksshylardyń álem chempıony bolǵan.
