Reseılik boksshy Lebedev WBA chempıony ataǵyn qorǵap qaldy
ASTANA. 18 jeltoqsan. QazAqparat - Reseılik boksshy Denıs Lebedev Dúnıejúzilik boks qaýymdastyǵynyń (WBA)
nusqasy boıynsha alǵashqy aýyr salmaqta álem chempıony ataǵyn abyroımen qorǵap qala aldy, dep jazdy Reseı Jańalyqtar agenttigi.
18 jeltoqsan kúni Máskeýdegi "Krokýs Sıtı Holl" arenasynda 32 jastaǵy Lebedev sharshy alańda 27 jastaǵy Kolýmbııa ókili Santandero Sılgadomen kezdesti. Reseılik sportshy basymdyqty birden óz qolyna aldy. Sportshylardyń sanattar boıynsha aıyrmashylyǵy kórinip-aq turdy, bul sońynda kórermenderdiń paıymyn rastady. Tórtinshi raýndta ózara soqqylardan keıin kolýmbııalyq boksshy «ashylyp», Lebedev onyń jaǵyna naqty soqqy jasaı aldy. Nátıjesinde Lebedevtiń qarsylasy oıynnyń aıaqtalýyna 44 sekýnd qalǵanda rıngke qulady.
24 jekpe-jegin (onyń 18-i nokaýtpen) jeńilissiz ótkizgen Sılgado úshin bul alǵashqy utylys boldy. Al bul Lebedevtiń kásibı rıngtegi 26 kezdesýiniń 25-inshi jeńisi (19-y nokaýtpen) boldy.
