Reseılik boksshy Korobov 23 sáýirde álem chempıony Golovkınmen aıqasýy múmkin
ASTANA. QazAqparat - Orta salmaqtaǵy álem chempıony tıtýlyna úmitker reseılik Matveı Korobov Dúnıejúzilik boks qaýymdastyǵy (VBA), «Halyqaralyq boks federatsııasy (IBF) tujyrymdary boıynsha álem chempıony, Dúnıejúzilik boks keńesiniń (VBS) tujyrymy boıynsha «ýaqytsha» chempıon qazaqstandyq Gennadıı Golovkınmen aıqas ótkizý týraly kelissóz júrgizýde.
Bul týraly Korobov málimet etti, dep habarlady TASS.
«Qazir kelissózder júrip jatyr. Jekpe-jek aldyn ala 23 sáýirge belgilengen. Men birden kelisimimdi berdim, mundaı múmkindikti kópten kútip júrgen edim, biz ázirmiz», - dedi Korobov.
Korobov 16 qańtarda bir jyldyq úzilisten keıin rıngke shyǵyp, upaı sany boıynsha meksıkalyq Hose Ovandony tize búktirgen. Onyń esebinde kásibı rıngte 25 jeńis (14 nokaýt), bir jeńilis bar. Golovkın 17 qazanda tehnıkalyq nokaýtpen kanadalyq Devıd Lemeny jeńdi. Salmaq sanatynan tys álemniń úzdik boksshylarynyń biri sanalatyn qazaqstandyqtyń qanjyǵasynda 34 jeńis (31 nokaýt) bar, birde-bir ret jeńilip kórmegen.
