Reseılik boksshy qazaqstandyqtardy Olımpıadadaǵy negizgi qarsylastarynyń biri dep atady
ASTANA. QazAqparat - Bokstan Álem jáne Eýropa chempıony, reseılik Evgenıı Tışenko Rıo Olımpıadasyndaǵy negizgi qarsylastaryn atady, dep habarlady sports.kz.
«Reseı quramasy týrnırge jaqsy daıyndalǵan, Olımpıadaǵa jaqsy kóńil-kúımen attanǵaly jatyrmyz. Medaldarǵa qol jetkizý úshin bara jatyrmyz, - dedi Tışenko. - Álem chempıonatynda jeńiske jetkenmin, endi ómirimdegi eń mańyzdy qadam jasap, altyn medalǵa ıe bolýym kerek. Olımpıadaǵa 100% daıynmyn. Negizgi qarsylastarym - Italııa, Kýba jáne Qazaqstan sportshylary. Ózge elderdiń boksshylary da myqty básekeles bola alady. Sondyqtan ár jekpe-jekke jaqsy daıyndalamyn».
Tışenko 91 keli salmaq dárejesinde óner kórsetedi. Sportshy 2015 jyly Bolgarııadaǵy Eýropa chempıonatynda jáne Katarda álem chempıonatynda jeńiske jetti. Reseılik 2013 jyly Qazaqstandaǵy álem chempıonatynda kúmiske ıe bolǵan.
