Reseılik boksshy 40 sekýndtyń ishinde eki chempıondyq beldiginen aıyryldy
ASTANA. QazAqparat - Reseılik boksshy Edýard Troıanovskıı Halyqaralyq boks federatsııasy (IBF) men Halyqaralyq boks uıymynynyń (IBO) tujyrymy boıynsha álem chempıony ataǵy úshin jekpe-jekte Namıbııa boksshysy Djýlıýs Indongodan jeńilip qaldy, dep habarlaıdy QazAqparat «Lenty.rý»-ǵa silteme jasap.
Jekpe-jek senbi, 3 jeltoqsan kúni Máskeýdegi «Megasport» arenasynda ótti jáne ol birinshi raýndta aıaqtaldy. Indıgo reseılik boksshyny alǵashqy 40 sekýndta nokaýtqa jiberdi. Troıanovskıı chempıondyq beldikterin qorǵaý úshin óz erkimen kezdesýler ótkizip júrgen bolatyn. Buǵan deıin ol óz ataqtaryn eki ret qorǵaı aldy.
Bul reseılik sportshy úshin óz mansabyndaǵy alǵashqy jeńilis. Ol 25 kezdesýdiń 22-sin nokaýtpen aıaqtaǵan bolatyn. Namıbııalyq boksshy úshin bul 21-inshi kezdesý, onyń 11-in nokaýtpen jeńgen.
