Reseılik bobsleıshiniń aıaǵy sal kúıinde qalady
ASTANA. Qańtardyń 6-sy. QazAqparat - Nemistiń Kenıgzee qalasyndaǵy shana-bobsleı trassasynda 2009 jylǵy qarashanyń 23-inde aýyr jaraqat alǵan reseılik bobsleıshi Irına Skvortsovanyń oń aıaǵy sal kúıinde qalady. Bul 20 jasar sportshynyń aıaǵyn ampýtatsııadan aman alyp qalǵan jaǵdaıda da osy kúıinde qalmaqshy.
Skvortsovanyń oń aıaǵy trassada bolǵan apat kezinde qatty zaqymdandy. Sportshynyń aıaq tamyrlary men sińirleri qıylyp ketken. Oǵan tkandardy almastyryp salý boıynsha eki ret operatsııa jasaldy jáne dárigerler sportshynyń jaǵdaıy jaqsy dep sanaıdy.
