Reseılik belgili saıasatker B.Nemtsovtyń óltirilýine qatysty qylmystyq is qozǵaldy
ASTANA. QazAqparat - Reseıdiń tergeý komıtetiniń Bas tergeý basqarmasy belgili saıasatker Borıs Nemtsovtyń óltirilýi faktisine baılanysty qylmystyq is qozǵady, dep jazady Bı-bı-sı.
Reseıdiń tergeý komıtetiniń Bas tergeý basqarmasy Máskeý ortalyǵynda saıasatker Borıs Nemtsovtyń óltirilýine baılanysty qylmystyq is qozǵady, dep habarlady tergeý komıtetiniń resmı ókili Vladımır Markın. Atap aıtqanda, «kisi óltirý» jáne «zańsyz qarý aınalymy» baptary boıynsha qylmystyq is qozǵaldy. «Aldyn ala málimetter boıynsha Borıs Nemtsov Úlken Máskeý kópirimen júrip kele jatqanynda belgisiz qaskóı oǵan qaraı 7-8 ret oq atqan», - dedi V.Markın. Nemtsovqa qastandyq jasalǵan sátte onyń janynda bir boıjetken bolǵan, tergeýshiler qazirgi sátte odan jaýap alýda.
