Reseılik baıqaýshy: Almatynyń saılaý ýchaskelerinde eshqandaı zań buzýshylyq tirkegen joq
Spıker saılaý kúni Almatyda bolǵan barlyq 17 saılaý ýchaskesinde daýys berý rásimderi Qazaqstan Respýblıkasynyń Konstıtýtsııasyna jáne «Saılaý týraly» Zańyna saı ótkenin atap ótti.
«Barlyq ýchaskelerde bizdiń mıssııamyzdan basqa da ulttyq baıqaýshylar men kandıdattardyń ókilderi kóp boldy. Men olarmen sóılestim, olardyń eshqaısysy eshqandaı eskertýler tirkegenin aıtty. Bul saılaý protsedýrasy zańdy degendi bildiredi. Qazaqstan turǵyndary osy saılaý naýqanynyń nátıjelerin qabyldaıtynyna senimdimin. Men baqylaǵan ýchaskelerde eshqandaı zańbuzýshylyqtar bolǵan joq», - dedi M.Zýbarev.
Ol sondaı-aq mıssııasynyń mindeti - Qazaqstan Respýblıkasy turǵyndarynyń erik bildirý protsesine aralasý emes, tek daýys berýdi qadaǵalaý ekenin atap ótti.
«Saılaý komıssııasynyń múshelerine, baıqaýshylarǵa jáne saılaýshylarǵa qandaı da bir keńester berý bizdiń mindetimiz emes. Saılaý rásiminiń ózi - Qazaqstan Respýblıkasy turǵyndarynyń ishki máselesi. Halyqaralyq baqylaýshylar mıssııasynyń mindeti - daýys berý protsesiniń zańdylyǵyn rastaý. Saılaý protsesi kóp qyrly jáne qarapaıym emes jáne bári onyń qyr-syryn bile bermeıdi», - dedi spıker.
M.Zýbarev Almatynyń saılaý ýchaskeleriniń jabdyqtalýyna da toqtaldy.
«Ár ýchaskede kóshpeli daýys berý múmkindigi qarastyrylǵan jáne kóptegen ýchaskelerde azamattar osy quqyqtaryn paıdalandy», - dep qorytyndylady spıker.
