Reseılik baıqaýshy Almaty qalasyndaǵy saılaý ýchaskelerindegi daýys berý úrdisi týraly baıandady
ALMATY. QazAqparat - Búkilreseılik qoǵamdyq pikirdi zertteý ortalyǵynyń bas dırektory Valerıı Fedorov Almaty qalasy Bostandyq aýdanyndaǵy 4 saılaý ýchaskesindegi daýys berý úrdisi týraly baıandady.
Ol jáne Reseılik ózge de halyqaralyq baıqaýshylar munda saılaý ýchaskeleri sapaly uıymdastyrylǵanyn aıtty.
«Tańǵy saǵat 07.00 -den 11.00-ge deıin zańbuzýshylyq anyqtalmady. Saılaý jáshikterin baıqadyq, tirkelgen saılaýshylardyń sanyn kórdik, olardy bólingen bıýlletenderdiń sanymen salystyrdyq. Bıýlletenderdiń saılaýshylardyń sanynan asyp túsýi baıqalmady. Kerisinshe bir ýchaskede bıýlleten sany azyraq boldy. Bıýlletenderdiń 100 % paıdalanylýy ekitalaı ekenin bilemiz. Mundaı jaǵdaılar óte sırek kezdesedi», - dedi V.Fedorov.
Baıqaýshy alǵashqy saılaýshylar saılaý ýchaskesi ashylmaı-aq kele bastaǵanyn aıtty. «Alǵashqy saılaýshylar saǵat 06.40-ta keldi, olarǵa sál kútýge týra keldi. Keı jerlerde kezek baıqalsa, endi bir ýchaskede kezeksiz ótýde. Daýys berý tynysh, qalypty jaǵdaıda, zań buzýshylyqsyz jatyr», - dep túıdi V.Fedorov.
