Reseılik baletmeıster Kovtýn qazaqstandyq stýdentterge sheberlik synybyn ótkizdi
ASTANA. QazAqparat - Ataqty reseılik baletmeıster Georgıı Kovtýn Qazaq ulttyq horeografııa akademııasynda sheberlik synybyn ótkizdi, dep habarlaıdy QazAqparat.
Georgıı Kovtýn Keńes odaǵy men shet eldik teatrlarda 20 jyldyq tájirıbesi bar maman. Eki kúnge sozylǵan sheberlik klasynda stýdentter klassıkalyq bıdiń rejıssýrasy, dramatýrgııasy jáne kompozıtsııasy negizderi týraly bilimderin tolyqtyrdy.
Akademııanyń baspasóz qyzmetiniń habarlaýynsha, baletmeıster kýrs sońynda óziniń shyǵarmashylyǵyn jańa bastaǵandarǵa qatelikterdi jibermeý, ujymmen qalaı durys jumys jasaý kerektigi týraly qupııalarymen bólisti. Georgıı Anatolevıchtiń pikirinshe, oqýyn tolyq támámdaıtyn horeograf eń aldymen bilimdi, kez kelgen balet artısinen áldeqaıda joǵary turatyn jaǵdaıda bolýy tıis deı kele, «Adamdardy basqarý úshin olardan kóbirek bilýge tıissiń. Basqarýshy beıneleý óneri, teatr óneri, mýzyka óneri jáne t.b. óner túrleriniń tarıhyn bilýi tıis» - dep atap ótti.
Odan ózge Georgıı Anatolevıch atap ótken nárse ol - árbir artıstiń óz álemi men álemin shytynatpaı ortaq qorytyndyǵa ákeletin horegraftyq mindeti bolýy qajet. Horeograf bilýge tıis kóptegen psıhologııalyq faktorlar bar. «Ózińdi sýretshideı joǵary ustaýyń kerek, al artıster seniń boıaý quralyndaı bolý kerek» - dep sóz sońyn qorytyndylady.
Georgıı Kovtýn - balet artısi, baletmeıster, RKFSR eńbek sińirgen óner qaıratkeri, Tatarstan Respýblıkasynyń halyq artısi. Marınskıı, Mıhaılovskıı teatry balet artısteriniń, A.ıA. Vaganova atyndaǵy Orys balet akademııasynyń stýdentteriniń, Estrada teatry jáne t.b. muz aıdyny balet artısteriniń horeografııalyq nomerlerin qoıýshy rejısser. Reseı jáne shet elderde 300-den astam bı qoıylymdaryn qoıǵan. A.N. Mıshınniń oqýshylarymen mánerlep syrǵanaý boıynsha horeograf qyzmetin atqarady.
