Reseılik balalardyń jartysynan astamy ýaqytyn únemi Internette ótkizedi
ASTANA. QazAqparat - «Kasperskıı zerthanasy» aqparat ǵasyrynda balalardy tárbıeleý taqyrybynda zertteý júrgizdi dep habarladyhttps://informing.ru.
Zertteý nátıjeleri el balalarynyń jartysynan astamy, atap aıtqanda, 56%-y bos ýaqytyn vırtýaldy álemde ótkizetin bolyp shyqty.
Bul árıne, Reseıdiń ǵana problemasy emes. Máselen, amerıkandyq balalardyń 51 paıyzy jáne eýropalyq balalardyń 40 paıyzy ýaqytyn osylaısha ótkizedi eken.
Ásirese jas shamasy 8-10 jastaǵy balalardyń kompıýterge baılanyp otyrýy erekshe qaýip týdyrýda. Mundaı jastaǵy balalardyń 40 paıyzy ınternetten kózin almaıdy. AQSh-ta da kórsetkish osyndaı - 41 paıyz.
Al Eýropada bul kórsetkish qýantady - Frantsııada bul jdastaǵy balalardyń 7 paıyzy ǵana ınternette otyrady eken, Germanııada 9 paıyz.
Balalar ásirese áleýmettik jelilerde kóp otyrady. Ekinshi orynda - onlaın-oıyndar. Al úshinshi orynda - beınerolıkter saqtalatyn saıttar.
