Reseılik BAQ: Qazaqstan TMD elderin artqa tastap, álemdegi jetekshi oryndardyń birine shyǵyp otyr

ASTANA. 15 jeltoqsan. QazAqparat - Qazaqstan Respýblıkasynyń Táýelsizdik kúnine oraı birqatar sheteldik BAQ-tarda Qazaqstan týraly materıaldar jaryq kórýde. «QazAqparat» Reseıdiń «Komsomolskaıa pravda» gazetinde jaryq kórgen «Qazaqstandyq serpin: respýblıka damý qarqyny boıynsha álemdegi úzdik úshtikke kirip otyr» maqalysynan úzindi keltirip otyr.

«16 jeltoqsan - Qazaqstan Respýblıkasynyń Táýelsizdik kúni. 21 jyl buryn dál osy kúni Joǵarǵy Keńes táýelsizdik jáne ulttyq egemendik týraly zań qabyldady», dep jazady Komsomolskaıa pravda.

Sol kezde eldiń óz valıýtasyn qurýǵa qarajaty bolmaǵan. Búginde Qazaqstan Prezıdenti Nursultan Nazarbaevtyń aıtýynsha, el qazynasynda 80 mıllıard dollar shamasynda baılyq bar. Al brıtandyq baqylaýshylardyń baǵalaýynsha, 21 ǵasyrdaǵy álemniń 25 eń qarqyndy ekonomıkalary arasynda  Qazaqstan Qytaı men Katardan keıin úshinshi oryn alady.

«Biz qashan da Ońtústik-Shyǵys Azııanyń jolbarystaryna qarap boı túzep keldik, Ońtústik Koreıada táýelsizdiginiń alǵashqy 20 jylynda JІÓ jan basyna shaqqanda úsh ese, Malaızııada - eki, Sıngapýrda - 4 ese ulǵaıdy, al bizde bul kórsetkish 17 ese artyp otyr», - deıdi N.Nazarbaev.

«Qazaqstan naryqqa kóshýde TMD-nyń ózge elderine qaraǵanda tabysty júzege asyrdy. Táýelsizdik jyldary shaǵyn jáne orta bıznes sýbektileri 35 ese artty» , dep atap ótti QR Prezıdenti.

Maqalada Elbasynyń «Qazaqstan-2050» strategııasy qalyptasqan memlekettiń jańa saıası baǵyty» Joldaýynda «Qazaqstan HHІ ǵasyrdyń ortasyna qaraı álemniń eń damyǵan 30 eliniń qatarynda bolýǵa tıis» mindetin qoıǵany jóninde aıtylady.

Taǵy bir basty faktor retinde maqala avtory Qazaqstannyń ınvestıtsııalyq tartymdylyǵyn atap ótedi. Mundaı jetistikterge jetýdiń sebebi - Prezıdenttiń «Eń aldymen - ekonomıka, sodan soń - saıasat» formýlasy. Basymdyqtardy durys tańdaı bilý arqyly Qazaqstan TMD elderin artqa tastap, álemdegi jetekshi oryndardyń birine shyǵyp otyr, dep jazady «Komsomolskaıa pravda».