21:30, 08 Jeltoqsan 2021 | GMT +5
Reseılik azamat 9 jyl boıy Qazaqstannan zeınetaqy alyp kelgen
ÓSKEMEN. QazAqparat – Shyǵys Qazaqstan oblysynda 9 jyl boıy zańsyz zeınetaqy alyp kelgen reseılik ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary «Mıgrant» jedel-aldyn alý sharasy barysynda qos azamattyq faktilerin anyqtaýda.
«Máselen, 2006 jyly Reseı Federatsııasy Altaı ólkesinde sol eldiń azamattyǵyn alǵan er adam tirkeldi. Ol soǵan qaramastan 9 jyl boıy Qazaqstan Respýblıkasynyń aýmaǵynda zeınetaqy alyp kelgen. Atalǵan fakti boıynsha oǵan QR ÁQBK-niń 496-babyna sáıkes 100 AEK somasynda aıyppul salyndy», -dedi oblystyq PD kóshi-qon qyzmeti basqarmasynyń bastyǵy Erbol Bekpaev.
Sonymen qatar 2020 jyly Reseı Federatsııasynyń azamattyǵyn alǵan Ulan aýdanyń turǵyny bul jaıly polıtsııa organdaryna habarlamaǵan. Sot sheshimimen ol elden qýyldy.