Reseılik áıel 29 jasynda áje atandy
ASTANA. QazAqparat - Nıjegorod oblysynyń turǵyny Natalıa Knıazkova 29 jasynda Reseıdiń eń jas ájesi atandy, dep jazady «Rossııskaıa gazeta». Áıeldiń 14 jasar qyzy dúnıege ul bala ákelgen, taıaýda jas ana men bala Bor qalasynyń perzenthanasynan shyǵaryldy, dep atap ótedi basylym.
«Volga» telekompanııasyna bergen suhbatynda Natalıa qyzynyń jaqyn arada bosanatyny týraly habar ony tańǵaldyrmaǵanyn baıandady. Ózi de qyzyn 14 jasynda dúnıege ákelgen. Jubaıy Aleksandrmen birge 15 jyl turyp jatyr, olardyń tórt qyzy bar, eń kishisi - 2 jasta.
«Óziniń artynda ósip kele jatqan úsh sińilisi bar, olardy baǵyp-qaǵýǵa kómektesken. Bala ósirýde tájirıbesi kóp», - dep qyzynyń ana bola alatynyna senim bildirdi jas áje.
Óz kezeginde Natalıanyń jubaıy 34 jasynda ata atanǵanyna áli úırenýge týra keletinin aıtty.
Náresteniń 17 jastaǵy ákesiniń otbasyn asyraı alamyn dep sendirgenine qaramastan, jas ananyń áke-sheshesi qyzdaryna kámelettik jasqa tolǵansha ózderi qaraıtyndaryn aıtty - balaǵa qaraýdan bólek, ol mekteptegi oqýyn jalǵastyrýy kerek.
Reseıdegi eń jas ájeniń nemeresi dúnıege deni saý bolyp keldi - onyń boıy 51 santımetr, salmaǵy - 3,5 kelideı.
