Reseılik ataqty kınorejısser Andreı Konchalovskııdiń qyzy áli esin jıǵan joq
ASTANA. QazAqparat - Reseılik ataqty kınorejısser Andreı Konchalovskıı men ıÝlııa Vysotskaıanyń qyzy - Marııa Mıhalkova-Konchalovskaıa áli esin jıǵan joq, dep habarlady www.baltpp.ru.
Dárigerlerdiń málimdeýinshe, oǵan oıanýy úshin sedatıvtik preparattardy berýdiń dozasy azaıtylýda. Mamandardyń aıtýynsha, bul protsess uzaqqa sozylatyndyqtan, oǵan ázirge qandaı da bir boljam jasaý áli erte.
Qazir Masha Frantsııanyń Marsel qalasyndaǵy klınıkalardyń birinde jatyr. Osynda, ıÝlııa Vysotskaıa men Andreı Konchalovskıı qyzdarynyń qasynda bolý úshin páter jaldap tur. Mashanyń emdeý aqysyn tóleý úshin ıÝlııa kýlınarlyq sheberlik sabaqtaryn ótkizýde, al Konchalovskıı jańa fılm túsirýge kiristi.
Eske sala keteıik, ótken jyly 12 qazanda Andreı Konchalovskıı «Mersedes» avtomashınasyn aıdap kele jatyp, qarsy kele jatqan mashınamen betpe-bet soqtyǵysty. Bul jol-kólik oqıǵasynda 14 jastaǵy Masha eleýli zaqym aldy. Keıbir málimetter boıynsha, ol qaýipsizdik belgisin taqpaǵan.
Reseılik aqparat quraldary Masha Konchalovskaıanyń densaýlyq jaǵdaıy týraly kún saıyn jedel aqparat berýde.
