Reseılik ataqty akter Vıacheslav Tıhonov dúnıeden ótti
ASTANA. Jeltoqsannyń 4-i. QazAqparat - «Kóktemniń 17 sáti» kóp serııaly fılminde Isav-Shtırlıtstiń rólin somdaǵan reseılik ataqty akter Vıacheslav Tıhonov 82-ge qaraǵan jasynda dúnıeden ótti.
Bul týraly QazAqparat reseılik «Jańalyqtar» agenttigine silteme jasap habarlaıdy.
Vıacheslav Tıhonov 1928 jyly aqpannyń 8-inde Pavlov Posad qalasynda (Máskeý oblysy) dúnıege keldi. Qarapaıym eńbekkerler bolǵan ata-anasynan jasyryn bala shaǵynan kınoakter bolýǵa qumartty.
Búkilodaqtyq kınematografııa ınstıtýtynda professor Borıs Bıbıkovtiń kýrsynda oqyp, alǵashqy debıýt retinde Sergeı Gerasımovtiń «Jas gvardııa» fılminde Volodıa Osmýhınniń rólinde oınady. 1950 jyly ınstıtýtty úzdik bitirip, teatr-stýdııa akter bolyp eńbek jolyn bastady.
Ol kóptegen fılmderde ondaǵan rólderdi somdady. 1970 jyly «Dúısenbige deıin aman bolaıyq» fılmi úshin Memlekettik syılyqpen, al 1978 jyly «Kóktemniń on jeti sáti» kópserııaly fılmine qatysqany úshin RSFSR Memlekettik syılyǵynyń laýreaty atandy. 1980 jyly oǵan «Aq Bım Qara Qulaq» fılmine qatysqany úshin Lenındik syılyqtyń laýreaty atandy.
Tıhonov Sergeı Gerasımov pen Sergeı Bondarchýk, Stanıslav Rostotskıı men Mıhaıl Shveıtser, Nıkıta Mıhalkov pen Eldar Rıazanov sııaqty otandyq kınematografııa sheberlerimen shyǵarmashylyq qarym-qatynasta boldy.
2008 jylǵy aqpanda akter 80 jasqa tolýyna oraı Qurmet ordenimen marapattaldy.
