Reseılik áskerı qurylǵyǵa uqsas balalarǵa arnalǵan tósek shyǵaryldy
ASTANA. QazAqparat - Reseılik bir fabrıka 2014 jyly Ýkraına kóginde Malaızııanyń MN17 reısiniń ushaǵyn atyp túsirgen Býk zymyran kesheninen aınymaıtyn balalar tósegin jasap satýǵa shyǵardy. Bul jóninde BBC News habarlady.
Fabrıka basshylary jańa ónimniń onshaqty danasy satylyp ketkenin aıtady. Olardyń sózine qaraǵanda, tósektiń dızaınyna tańǵalýdyń eshbir jóni joq. CARoBUS dep atalatyn bul fırma Sankt-Peterbýrg qalasynda ornalasqan. Tank, ushaq, kemege uqsaıtyn balalar tósegin shyǵarýǵa mamandanǵan, dep jazady egemen.kz.
Reseıde bul aqparatty aldymen azamattyq belsendi Oleg Kashın talqylaýǵa shyǵardy. Feısbýkte «Býk M-1» balalar tósegin jarnalamaıtyn siltemeni bólisken ol «Qaljyń ba, ne pále bul?» dep tańdanady ol.
Ýkraınanyń Donbass aımaǵy ústinde atyp qulatylǵan Malaysia Airlines kompanııasynyń ushaǵyndaǵy 298 adam túgel qaza tapqan bolatyn. Keıinnen onyń Býk zymyran kesheninen atylǵany anyqtaldy. Halyqaralyq komıssııanyń jaqynda jarııa etilgen zertteý nátıjesi boıynsha Býk kesheni Donbasqa Reseıden ákelinip, jolaýshylar ushaǵyn qulatqan soń qaıtadan Reseıge áketilgen. Alaıda, Máskeý bul qorytyndyny moıyndamaıtynyn málim etti.
