Reseılik ártis Sergeı Bezrýkov qazaqstandyqtarǵa «Shynaıy ertegini» kórsetedi
TANA. 21 qazan. QazAqparat /Gúlmıra Alıakparova/ - Búgin Astanada Reseıdiń halyq ártisi Sergeı Bezrýkov túsirgen «Shynaıy ertegi» fılminiń tusaýkeserine arnalǵan baspasóz máslıhaty ótti.
S.Bezrýkov atap kórsetkendeı, kartına komedııalyq janrda. Bıýdjeti asa joǵary emes. Onyń rejısseri Andreı Marmontov, stsenarııin A.Marmontovpen birlese otyryp ózi jazdy. Evgenıı Ýlıýshkınniń janynda júrip, oǵan prodıýserlik etken de ózi. Kartınanyń sıýjeti óte biregeı. Bezrýkovtyń aıtýynsha, mundaı fılm qazirgi kúni Reseıde - jalǵyz. ıAǵnı mektep oqýshylaryna arnalǵan, «paıdasy» bar jalǵyz ertegi. Ertegi keıipkerleri osy álemge sapar shegip, adamdardyń boıynan meıirimdilik, qaıyrymdylyq qasıetterin qaıta oıatýǵa tyrysady. Ol úshin ajaly joq Kaşeı (Leonıd ıArmolnık) - patrıot olıgarhqa, Dana Vasılısa (Irına Bezrýkova) - muǵalimge, Orman perisi (Georgıı Shtıl) - qańǵybasqa, Aqymaq Ivan (Sergeı Bezrýkov) - áýe desantshy áskerıge aınalady.
«Kishkentaıymyzdan oqyp, estip ósken ertegiler, olardyń keıipkerleri, ótken kúnniń belesinde qalyp barady. Qazirgi álem «ajaly joq Kaşeılardyń» álemi. Bul óte ókinishti. Sondyqtan burynǵy meıirimi mol ertegilerdi qaıta alyp kelgim keledi», - deıdi ol.
Fılm balalar men ata-analarǵa birige otyryp kórýge arnalǵan. Ártistiń aıtýynsha, fılmdi Reseıdiń Mádenıet mınıstrligi rızashylyqpen qabyl aldy. Degenmen, basynda bılik ókilderimen jáne ózge de túrli kedergilerdi joıý úshin biraz áýrelenýge týra kelgen. Olar qoldaý bildirý úshin fılmniń áleýmettik mańyzdy tusyn izdegen. «Keıin, áıteýir, tapty», - dedi, qaljyńdap Bezrýkov.
Bezrýkov fılmniń tusaýkeserimen «úıinen» shyqqanyna bir aıdan astam ýaqyt ótti. Ol aldymen, Máskeýde, odan keıin Voronej, Penza, Tómengi Vartov, Túmen jáne taǵy da kóptegen basqa qalalarda boldy. Al Qazaqstanda kartınany alǵashqy bolyp astanalyqtar tamashalaıtyn bolady. Onymen qosa, Bezrýkov fılmniń Qazaqstandaǵy kórsetiliminen qansha aqsha jınalatyny ony múldem qyzyqtyrmaıtynyn aıtty. «Men ol týraly oılanatyn adam emespin», - deıdi ol.
«Qazaqstandy óte jaqsy kóremin. Astana men Almatyda san márte boldym. Munda adamdar óte mádenıetti, ónerdi súıedi. Qazaqstannyń óziniń epostary, óziniń ertegileri bar ekendigin bilemin. Sondyqtan, reseılik dostarynan usynys-ótinishim bar: ótinemin, ózderińizdiń ertegilerińizdi túsirińizder. Shet elden jiberip jatqandardy qanaǵat etip otyra bermeńizder. Kınematograftaryńyzben sóılesińizder. Buǵan bıliktiń nazaryn aýdartyńyzdar. Sebebi, «ózimizdiki» sanalatyn eshteńe qalmaı bara jatyr», - dep túıindedi ol.
