Reseılik ánshi G. Leps esirtki saýdasymen aınalysady
ASTANA. 2 qarasha. QazAqparat - AQSh-tyń Qarjy mınıstrligi reseılik ánshi Grıgorıı Lepske qarsy sanktsııa engizdi. Ánshige Brothers' Circle qylmystyq toby basshylarymen baılanysy bar degen kúdik kelip otyr, dep jazady «Alash aınasy» respýblıkalyq basylymy.
Reseılik aqparat quraldarynyń habarlaýynsha, AQSh sheteldiń alty azamaty men tórt kompanııasyna sanktsııa engizgen. Qylmystyq uıymǵa qatysy bar delingenderdiń tórteýi - reseılik G.Leps - solardyń biri. Amerıkalyq quzyrly organdardyń málimetinshe, Brothers' Circle, negizinen, esirtki saýdasymen aınalysady jáne ony postkeńestik keńistik elderiniń qylmystyq toptary baqylap otyrady. AQSh úkimetiniń ókili Djon Sallıvannyń aıtýynsha, reseılik mýzykant osy mafııanyń jetekshisi Vladıslav Leontevke qyzmet etken. Ártistiń ókili bolsa, bul málimdemeni sandyraq dep sanaıtynyn aıtty. Aıta keteıik, G.Leps reseılik eń baı mýzykanttardyń biri sanalady. Byltyr onyń bir jyldyq tabysy 15 mln dollar bolǵan.
