Reseılik alty jeńil atlet Olımpıada medaldarynan aıyryldy
ASTANA. QazAqparat - Lozannada (Shveıtsarııa) sporttyq tórelik soty dopıngke baılanysty Halyqaralyq jeńil atletıka federatsııasy qaýymdastyǵynyń apellıatsııasyn qanaǵattandyrdy, reseılik alty sportshynyń Olımpıadalyq oıyndar men álem chempıonattarynda alǵan medaldarynyń kúshi joıyldy. Sheshim sot saıtynda habarlandy.
Osylaısha, Sergeı Kırdıapkın Londonda ótken Olımpıadalyq oıynnan alǵan altyn medalinen aıyryldy. CAS sportshynyń 2009 jylǵy 20 tamyzdan bastap 2012 jylǵy 15 qazanǵa deıin alǵan barlyq nátıjeleriniń kúshin joıý týraly sheshim shyǵardy.
CAS sheshimi boıynsha, Olga Kanıskına Londondaǵy Olımpıadanyń kúmis medalinen jáne Barselonada Eýropa-2010 chempıonatynda alǵan altynynan aıyryldy. 2009 jylǵy 15 tamyzdan bastap 2012 jylǵy 15 qazan aralyǵyndaǵy barlyq nátıjeleriniń kúshi joıyldy.
Sergeı Bakýlın Tegýdegi 2011 jylǵy álem chempıonatynyń altyn medalinen aıyryldy. Onyń 2011 jylǵy 28 aqpannan bastap, 2012 jylǵy 24 jeltoqsanǵa deıingi nátıjeleri joqqa shyǵaryldy.
Valerıı Borchın Berlınde ótken 2009 jylǵy álem chempıonattary men 2011 jylǵy Tegýdaǵy altyn medaldarynan aıyryldy. Vladımır Kanaıkın 2011 jylǵy álem chempıonatyndaǵy kúmis medalinen aıyryldy. ıÝlııa Zarıpova 2011-ÁCh altyn medalinen aıyryldy.
Sot sheshimi sońǵy ári naqty sheshim, qaıta qaralmaıdy.
