Reseılik akter S.Bezrýkov álemdik juldyzdardy shaqyryp, ónerdiń damýyna úles qosyp júrgen qazaq bıligine alǵysyn bildirdi
ANA. 4 shilde. QazAqparat /Marlan Jıembaı/ - Búgin elordadaǵy Kongress-Holl saraıynda reseılik akter Sergeı Bezrýkovtyń «Pýshkın» spektakliniń premerasyna arnalǵan baspasóz máslıhat ótti.
BAQ ókilderiniń barlyq saýaldaryna jaýap bergen akterdiń atap ótýinshe, qazirgi ýaqytta teatr ujymdary aıtarlyqtaı qarjylaı qoldaý kórip otyrǵan joq. Máselen, Máskeýde qoldaý kórip otyrǵan óner ujymdary bar, degenmen barlyq teatrlardyń aıy ońynan týyp otyr dep aıtýǵa kelmeıdi. Osy oraıda S.Bezrýkovtyń paıymynsha, teatr - is júzinde zııany mol kásiporyn. Sondyqtan onyń qaıyrymdy adamdardyń, demeýshilerdiń kómeginsiz damýy múmkin emes.
Sondaı-aq ol Astanaǵa kelgen saıyn shet elden shaqyrylǵan óner juldyzdarynyń óte kóp bolatyndyǵyn aıta kele: «Astanany aralap júrip, juldyzdar beınelengen óte kóp plakattar baıqaımyn. Mine osy kezde: O Qudaıym-aı men qandaı adamdardyń arasynda júrmin degen oı keledi. Degenmen shyndyǵynda da álemdik juldyzdardy shaqyryp, barlyq jaqsyny halyqqa kórsetýge tyrysady jáne onyń kómeginsiz bul múmkin emes. Ónerdiń damýyna qol úshin berip júrgen sol bir azamattarǵa, el basshylyǵyna maqtaý men qurmet bildiremin», -dedi ol.
Aıta keteıik, Sergeı Bezrýkov Reseı Federatsııasynyń halyq ártisi, memlekettik syılyqtyń laýreaty. 1973 jyly 18 qazanda óner adamdarynyń otbasynda dúnıege kelgen. Ákesi Vıtalıı Bezrýkov tanymal Satıra teatrynda jumys istegen, akter ári rejısser. Jastaıynan áke jolymen júrýdi maqsat etken ol orta mektepti aıaqtaǵannan keıin M.Gorkıı atyndaǵy akademııalyq teatrdyń mektep-stýdııasyna túsken. Akter «Brıgada», «Ýchastok», «Master jáne Margarıta», «Esenın» serıaldarynda, «Qytaı servızi» syndy fılmderde oınaǵan.
