Reseılik «Aeroflot» Qazaqstanǵa ushýlaryn ýaqytsha toqtatty
ASTANA. QazAqparat - Reseıdiń áýe tasymaldaýshysy «Aeroflot» kompanııasy óz saıtynda senbi Qazaqstanǵa áýe reısin toqtatqanyn habarlady. Óıtkeni Qazaqstan 27 naýryzda kúshine enetin jazǵy keste boıynsha ushýlardy oryndaýǵa ruqsat qujattamany bermegen.
«Aeroflot» Reseıden Qazaqstanǵa baǵyttardyń taǵaıyndalǵan tasymaldaýshysy bolǵanyna jáne ushýlardy oryndaýǵa 12 aqpanda ótinish bergenine qaramastan sáıkesinshe ruqsattardy ala almady», delingen reseılik TASS agenttigi taratqan habarlamada.
«Aeroflottyń» málimetinshe, 26-27 naýryzda Qazaqstannyń qalalaryna jáne keri baǵytqa 11 reıs toqtatylǵan.
Eske sala ketsek, atalmysh agenttik buǵan deıin Air Astana da 27 naýryzda Reseı astanasy Máskeýge ushatyn reısterdi iske asyrmaıtyny týraly habarlaǵan bolatyn.
«Máskeýge Air Astana áýe kompanııasynyń reısteri reseılik avıatsııa bıliginiń ushyp ótý ruqsattaryn berýden bas tartýyna baılanysty 27 naýryzda bolmaı qalýy múmkin», - dep habarlaǵan bolatyn ulttyq tasymaldaýshy.
Bul jaǵdaı der kezinde tirkeýge ótinish bermegen «Aeroflot» kesirinen oryn alǵan, al der kezinde ótinishterin bergen reseılik áýe kompanııalarynyń barlyǵyna atalmysh ruqsat shekteýsiz berilgen.
Ulttyq áýe tasymaldaýshy «qazaqstandyq tarap kezekti ret máseleni sheshýge jáne reseıdiń avıatsııa bıliginen resmı hat alǵan jaǵdaıda táýlik ishinde "Aeroflotty" jedel tirkeý júrgizýge jáne ruqsattar berýge daıyndyǵyn málimdedi.
