Reseılik 8 jyl boıy Qazaqstanda tirkeýsiz júrgen
ASTANA. QazAqparat - «Zańsyz kelýshi» jedel-profılaktıkalyq is-sharasy barysynda Qandyaǵash stansasyndaǵy Jelilik polıtsııa bólimi qyzmetkerleri Qandyaǵash stansynyń qabyldap-taratý ornyndaǵy er azamattyń jeke basyn anyqtady. Ol Reseı Federatsııasy Ýssýrıısk qalasynda týǵan 44 jastaǵy azamat bolyp shyqty.
Tekserý barysynda anyqtalǵandaı, quqyqbuzýshy 2008 jyly «Beıneý» baqylaý-ótkizý pýnkti arqyly Qazaqstan Respýblıkasynyń Memlekettik shekarasyn kesip ótip, sodan beri Qazaqstan Respýblıkasynyń aýmaǵynda tirkeýsiz júrgen, dep hbarlady Kóliktegi ІІD baspasóz qyzmeti.
Atalǵan fakt QR QK 392 babynyń 1 tarmaǵy boıynsha (QR Memlekettik shekarasyn qasaqana zańsyz kesip ótý) sotqa deıingi tergeýdiiń biryńǵaı reestrinde tirkeldi.
Tergeý amaldary júrgizilýde.
Eske sala keteıik, Kóliktegi ІІD qyzmet kórsetý aýmaǵynda aǵymdaǵy jylǵy 16 jáne 20 mamyr aralyǵynda «Zańsyz kelýshi» JPІSh ótkizilýde.
