Reseıge janarmaı daǵdarysy keldi
ASTANA. 26 sáýir. QazAqparat - Altaı ólkesinde ótken demalys kúnderinde avtokólik janarmaıyn jabdyqtaýda aıtarlyqtaı kidiris paıda boldy:
janarmaı stansalarynyń jartysy jumys istemeıdi. Jergilikti janarmaı odaǵy kináni aımaqtyń naryǵynda basymdyq tanytyp júrgen «Rosneft» pen «Gazpromneftke» taǵyp otyr, dep jazady Kolesa.ru.
Benzınniń jetispeýshiligi senbi kúni baıqala bastady, al keshe naǵyz daǵdarys oryn aldy. JQS-terde úlken kezek paıda bolyp, satýshylar janarmaıdy satýǵa shekteýler engizdi.
Barnaýylda «Gazpromneft» kompanııasynyń ókili RIA-ǵa habarlaǵandaı, «Altaı ólkesinde janarmaı stansalarynda qordyń azaıýyna oraı, JQS-tyń toqtaýsyz jumys isteýine biryńǵaı shekteý engiziledi». Derekkóz agenttikke «jaǵdaı tolyǵymen anyq emes, munaı qyzmeti naryǵynda naqty ne bolǵany áli belgisiz», dedi
