Reseıge Syr óńirinen 2 myń tonna qaýyn-qarbyz eksporttalady
QYZYLORDA. QazAqparat - Qyzylorda oblysy sharýashylyqtardy kooperatıvtendirý turǵysynda ótken jyly birshama jumystar atqardy. Naqtylasaq, 133 kooperatıv qurylǵan, onyń 18-i 300-den astam sharýanyń basyn biriktirip otyr. Osy jyly 16 kooperatıv qurý josparlanýda, dep habarlady QazAqparat tilshisi oblystyq aýyl sharýashylyǵy basqarmasyna silteme jasap.
Aqjoltaı jańalyqtardyń biri Syrda ósirilgen kúrishtiń ırandyq «Taromo-hoshemı» sorty oıdaǵydaı ónim berdi. Búginde osy sort ónimin Iranǵa eksportqa shyǵarýǵa jumystar jasalý ústinde. Qarmaqshydaǵy «Aqtóbe ı K» JShS egistiginde jaıqalyp ósken daqyldy bıyl 100 gektar jerge otyrǵyzý kózdelip otyr.
Josparǵa sáıkes, alynǵan dánniń aldymen 60 tonnasy eksportqa jiberiledi. Negizgi maqsat - 2020 jylǵa qaraı bul sortty egý kólemin 8000 gektarǵa jetkizý. Sondaı-aq, búgingi kúni Syr qaýynyna suranys artyp keledi. Ásirese, reseılikter óńirde tamyrlaǵan qaýyn-qarbyzdy attaı qalap otyr. «Osy jyly kórshi elge 2000 tonnasyn eksporttaımyz»,-deıdi oblystyq aýyl sharýashylyǵy basqarmasy basshysynyń orynbasary Ómirhan Pashkenov.
