Reseıge salynǵan sanktsııa Qazaqstan úshin múmkindikter ashýy yqtımal
«Keshegi Úkimettiń otyrysynda ekonomıka mınıstri alty aıda 4 paıyzdyq ekonomıka ósimi bolǵanyn aıtty. Bul jaman emes. Degenmen, bizdegi óndiristik ónerkásip salasynda 0,4 paıyz deńgeıinde az ǵana tejelýler barshylyq. Bul batystyń Reseıge jasaǵan sanktsııasynan emes, álemdik baǵa konıýktýrasynan oryn aldy», - deıdi Abylaı Myrzahmetov.
Sonymen qatar, palatanyń basqarma tóraǵasy Reseı men batys arasyndaǵy qarama-qaıshy sanktsııalardan Qazaqstannyń utar tusy bolatynyn joqqa shyǵarmaıdy.
«Jalpy, sanktsııadan eshkim utpaıdy, ókinishke qaraı bári japa shegedi. Óıtkeni, Reseı alyp memleket, onyń ekonomıkasy da aýqymdy, sondyqtan sanktsııa salǵan batystyń ózine de ońaı tıeıin dep otyrǵan joq. Degenmen, mundaı máselede Qazaqstanǵa múmkindikter ashylatynyn boljaýǵa bolady. Máselen, Reseı Polsha men Moldavııadan keletin jemis-jıdekterge, azyq-túlikke sanktsııa berdi. Onyń ornyn Reseı ózindegi óndiristi arttyrý arqyly jabýǵa umtylmaqshy. Endeshe, Qazaqstanǵa da múmkindik týyp tur degen sóz. Bul ásirese aýyl sharýashylyǵy taýarlaryn óndirý men óńdeý aıasynda ábden yńǵaıly bolýy múmkin», - dedi A. Myrzahmetov.
Sóz arasynda palata tóraǵasy azyq-túlik qaýipsizdigin qamtamasyz etý máselesin Elbasy Úkimetke erekshe júktegenin atap ótti.