Reseıge patrondar ótkizbek bolǵan azamat qolǵa tústi
ASTANA. QazAqparat - Qazaqstan - Reseı memlekettik shekarasynda oq-dárilerdi qujatsyz jasyryp ótkizýge tyrysqan azamat ustaldy, dep habarlaıdy QR UQK ShQ baspasóz qyzmeti.
Petropavl shekara otrıadyna qarasty «Qyzyljar-avto» baqylaý-ótkizý beketiniń shekara narıady «Sýbarý» avtokóligimen elimizden Reseıge qaraı sapar shegip bara jatqan 33 jastaǵy Reseı Federatsııasynyń azamatyn ustady.
Qyzmettik ıttiń kómegimen júrgizilgen shekaralyq tekserý kezinde avtokóliktiń júksalǵyshynan 12-shi kalıbrli ańshylyq myltyǵyna arnalǵan 47 dana patron tabyldy.
Atalǵan derek boıynsha jergilikti Qyzyljar aýdandyq ІІB habarlandyryldy.
