Reseıge qyrǵyzdardy tasyp bara jatqan avtobýs ishinde jolaýshylar oryndyǵy joq bolǵan
ASTANA. Maýsymnyń 10-y. QazAqparat /Murat Jákeev/ - Elordaǵa jaqyn «Qyzyljar» beketinde sársenbi, maýsymnyń 9-y kúni Reseı Federatsııasyna maýsymdyq jumysqa Qyrǵyzstan azamattaryn tasymaldap bara jatqan shaǵyn avtobýs ustaldy.
Avtobýs 8 oryndyq bolǵanymen, onyń ishinde 14 adam bolǵan jáne de otyratyn oryndyqtar joq bolyp shyqty. Bul týraly elordalyq jol polıtsııa basqarmasynyń baspasóz qyzmeti habarlady.
«Atalǵan fakti boıynsha júrgizýshige- jolaýshylar tasymaldaý erejesin buzǵany jáne kólik ishine ruqsatsyz quraldar ornatqany úshin eki ákimshilik hattama toltyryldy, delingen baspasóz ortalyǵynyń beısenbi, maýsymnyń 10-y kúni taratqan aqparatynda.
