Reseıge «Koka-kola» ornyna 10 tonna syra ótkizbekke árekettengen
ASTANA. QazAqparat - Qazaqstan - Reseı memlekettik shekarasyndaǵy «Jańajol» baqylaý-ótkizý beketiniń (SQO) shekara narıady elimizden Reseı Federatsııasyna qaraı sapar shegip bara jatqan «Volvo» júk kóligin toqtatýǵa májbúr boldy, dep habarlaıdy QR UQK ShQ baspasóz qyzmeti.
Júrgizýshi kórsetken jolqaǵaz boıynsha júk kóligine «Coco Cola» sýsyndary tıelgen eken. Biraq, shekarashylar tekserý barysynda júk kóliginiń qorabynan sýsyndar emes, kerisinshe salmaǵy 10 tonna bolatyn «Kozel» syrasyn anyqtady. Sóıtip, 47 jastaǵy qazaqstandyq azamattyń shekarashylardy aldamaq bolǵan qýlyǵy iske aspaı qaldy.
Atalǵan iske qatysty materıaldar SQO ishki ister departamentine berildi.
