Reseıge kelý múmkindigi joq qazaqstandyq stýdentter qashyqtan oqı alady - QR SІM

NUR-SULTAN. QazAqparat – Reseıge kelý múmkindigi joq qazaqstandyq stýdentter qashyqtan oqı alady. Bul týraly QR Syrtqy ister mınıstrliginiń Telegram kanalynan málim boldy, dep habarlaıdy QazAqparat.

«Qazaqstannyń Máskeýdegi dıplomattardyń Reseıdiń Ǵylym jáne joǵary bilim mınıstrliginiń, Reseıdiń Oqý-aǵartý mınıstrliginiń, reseılik jetekshi joǵary oqý oryndarynyń basshylyǵymen ótkizgen kelissózderiniń qorytyndylary boıynsha kelesini habarlaımyz. Reseı tarapy qazirgi ýaqytta epıdemııalyq jaǵdaıǵa baılanysty Reseıge kelý múmkindigi joq qazaqstandyq stýdentter qashyqtyqtan oqı alady dep sendirdi. Atap aıtqanda, Ǵylym jáne joǵary bilim mınıstrligi reseılik ýnıversıtetterdi jeke oqý josparlaryn jasaýǵa nemese akademııalyq demalys berýge shaqyrdy»,-delingen habarlamada.