Reseıge qarý alyp ótpekshi bolǵan azamat ustaldy

ASTANA. QazAqparat - «Semeı» tekserip ótkizý pýnktiniń «Óbe avto» bólimshesinde shekarashylar «Sýbarý forester» avtokóligimen Reseıge qaraı ótpek bolǵan 39 jastaǵy azamatty ustady.

«Kóliktiń júksalǵyshynan buranda uńǵyly «Belka» markaly 5,6h28 kalıbrli myltyq pen onyń 22 oǵy tabyldy», dep habarlaıdy QR UQK ShQ baspasóz qyzmeti.

Ustalýshynyń isi QR Qylmys kodeksiniń 286 babymen tirkelip, Shemonaıha aýdandyq ishki ister bólimine tapsyryldy.