Reseıge qarsy sanktsııanyń Qazaqstanǵa esh qatysy joq - AQSh elshisi
«Árıne, Reseıge qarsy sanktsııanyń Qazaqstanǵa esh qatysy joq. Tolyqtaı alǵanda bul saıasat Qazaqstanǵa qarsy baǵyttalmaǵan. Men Sizderge bul sanktsııanyń Qazaqstan ekonomıkasyna yqpaly bar ekendigin aıta alamyn jáne Qazaqstan taraby buǵan aıryqsha alańdaýly. Biz bul máselede qazaqstandyq seriktestermen keńesýge ýaǵdalastyq. Máselen, Kongress qabyldaǵan zańnamalar boıynsha jáne basqalary. Bul zańnamalar qalaı áreket etetindigine qatysty qazaqstandyq seriktestermen keńesýler bar jáne ol jalǵasa da beredi. AQSh taraby bul sanktsııalardyń Qazaqstanǵa, osy jerdegi qazaqstandyq bıznes pen amerıkalyq bızneske teris áser etpeýine nıettestik tanytyp otyr», - dedi elshi.
Sonymen qatar Djordj Krol Qazaqstan Prezıdenti Nursultan Nazarbaevtyń AQSh pen Reseı kóptegen halyqaralyq máselelerdi sheshý úshin birlese jumys isteýi tıis degen málimdemesin amerıkalyq tarap qoldaıtyndyǵyn basa aıtty.
Aıta keteıik, qańtar aıynyń 17-sinde Aq úıde Amerıka Qurama Shtattarynyń Prezıdenti Donald Tramppen ekeýara kezdesýden keıin birlesken málimdeme jasaý barysynda Elbasy Nursultan Nazarbaev Reseı men AQSh kóptegen halyqaralyq máseleni birlesip sheshe alatyndyǵyn aıtqan edi.
«Ózińiz biletindeı, Qazaqstan álemde kólemi jóninen 4-oryn alatyn ıadrolyq arsenaldan bas tartyp, Semeıdegi synaq alańyn japty. Osy oraıda, basqa da ıadrolyq qarýy bar elderge bizden úlgi alýǵa shaqyrýǵa moraldyq quqyǵymyz bar. Mundaı áńgimeni Iranmen júrgizdik, qazir Soltústik Koreıamen kelissóz júrgize alamyz. KHDR máselesin Qytaı, AQSh, Reseı tarapy birlese sheshe alady. Sondyqtan, kórshi el retinde Reseı men AQSh arasyndaǵy qarym-qatynastyń nasharlap ketýi bizdi alańdatady», - dedi Nursultan Nazarbaev.
