Reseıge eksporttalatyn kómirdiń kólemi azaıdy
ASTANA. QazAqparat - Reseıge baǵyttalatyn qazaqstandyq kómirdiń eksporttyq kólemi azaıdy. Bul týraly búgin Ortalyq kommýnıkatsııalar qyzmetinde ótken brıfıng barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev málim etti.
"Biz byltyr 112 mln. tonna kómir shyǵardyq. 2030 jyly 100-120 mln. tonna dálizinde qalýdy josparlaýdamyz. Bul 2030 jylǵa deıin kómir jylý elektrostansalarynyń negizgi resýrsy bolyp qalatynymen baılanysty. Biraq degenmen bıyl Reseıge eksporttalǵan kómirdiń kólemi 30 mln. tonna kóleminde boldy jáne ol tómendeı bastady", - dep atap ótti ol.
Onyń sózine qaraǵanda, uzaqmerzimdi kezeńde jańa satyp alýshylardy qarastyrý qajet. "Biz uzaqmerzimdi kezeńde eksporttyq múmkindikterdiń jańa joldaryn izdestirý qajet. Biz Eýropaǵa, Qytaıǵa jáne ózge de naryqtarǵa shyǵatyn eksporttyq múmkindikterdi qarastyrmaqpyz", - dedi vıtse-premer.
